Putin bir sıra yüksək vəzifəli məmurları işdən çıxarıb

Tarix : 2016/11/28 15:04     Kateqoriya : DÜNYA    


	Putin bir sıra yüksək vəzifəli məmurları işdən çıxarıb

Rusiya Prezidenti Vladimir Putin Federal Təhqiqatlar Bürosunun, dövlət başçısının İşlər İdarəsinin, Müdafiə və Daxili İşlər nazirliklərinin bir neçə yüksək vəzifəli məmurunu vəzifədən azad edib.

TASS informasiya agentli xəbər verir ki, prezidentin mətbuat katibi Dmitri Peskov bu qərarın dövlət başçısının tövsiyəsinə zidd olaraq həmin məmurların Rusiya Elmlər Akademiyasının müxbır üzvü və akademiki seçilmələri ilə bağlı olduğunu bildirib.

Beləliklə, Federal Təhqiqatlar Bürosunun qeydiyyat və arxiv fondları idarəsinin rəisi, general-leytenant Vasili Xristoforov vəzifəsindən azad olunub. Prezidentin işlər müdirinin müavini Konstantin Kotenko, Müdafiə Nazirliyinin Baş hərbi-tibb idarəsinin rəisi Aleksandr Fisun, daxili işlər nazirinin müavini, Daxili İşlər Nazirliyinin istintaq departamentinin rəisi Aleksandr Savenkov öz ərizələrinə əsasən vəzifədən azad ediliblər.

Agentliyin yaydığı xəbərdə bu il hakimiyyət orqanlarının 14 nümayəndəsinin Rusiya Elmlər Akademiyasının üzvü seçildiyi bildirilir.