Dövlət Sosial Müdafiə Fondunda Apellyasiya Şurası yaradılıb

Tarix : 2016/02/15 12:11     Kateqoriya : SOSİAL    


	Dövlət Sosial Müdafiə Fondunda Apellyasiya Şurası yaradılıb

Azərbaycan Respublikası Prezidentinin 3 fevral 2016-cı il tarixli "Azərbaycan Respublikasının mərkəzi və yerli icra hakimiyyəti orqanlarında Apellyasiya Şuralarının yaradılması haqqında" Fərmanının icrasına uyğun olaraq, Dövlət Sosial Müdafiə Fondunda  Apellyasiya Şurası yaradılıb.

Fondun İctimaiyyətlə əlaqələr sektorundan «Fakt-Araşdırma»-ya bildirilib ki, Dövlət Sosial Müdafiə Fondunun sədr müavini Zakir Babayevin rəhbərlik etdiyi 7 nəfərdən ibarət Apellyasiya Şurasına Fondun məsul əməkdaşları daxildir. Apellyasiya Şurası Azərbaycan Respublikası Prezidentinin müvafiq Fərmanına uyğun olaraq, şikayətlərə baxılması sahəsində şəffaflığın və obyektivliyin təmin edilməsi, bu sahədə şəxslərin hüquqlarının və qanunla qorunan maraqlarının müdafiəsi məsələlərinə baxacaq.