Milli Məclisin müzakirəsinə çıxarılan “Büdcə sistemi haqqında” qanun dəyişildi

Tarix : 2019/10/22 14:22     Kateqoriya : PARLAMENT    


	 Milli Məclisin müzakirəsinə çıxarılan “Büdcə sistemi haqqında” qanun dəyişildi

Azərbaycanda büdcə qaydası dəyişib.

Bu, Milli Məclisin (MM) plenar iclasının müzakirəsinə çıxarılan və “Büdcə sistemi haqqında” qanuna təklif edilən dəyişiklikdə əksini tapıb.

Qüvvədə olan qanuna görə, icmal büdcə xərclərinin yuxarı həddi cari ilin təsdiq olunmuş icmal büdcə xərclərinin 103 faizindən çox olmamalı idi. Dəyişikliyə əsasən, bu halda növbəti ilin proqnozlaşdırılan inflyasiya səviyyəsi nəzərə alınacaq.

Başqa sözlə, layihəyə əsasən, icmal büdcə xərclərinin yuxarı həddi cari ilin təsdiq olunmuş icmal büdcə xərclərinin növbəti ilin proqnozlaşdırılan inflyasiya səviyyəsi nəzərə alınmaqla indeksləşdirilmiş məbləğinin 103 faizindən çox olmamalıdır.

Layihə müzakirəyə çıxarılaraq qəbul edilib. 

Kamil HƏMZƏOĞLU

Etikxeber.az