Əmlak Xidmətləri Məkanında və səyyar avtobuslarda dezinfeksiya işləri aparılıb

Tarix : 2020/03/05 12:24     Kateqoriya : SOSİAL    


	Əmlak Xidmətləri Məkanında və səyyar avtobuslarda dezinfeksiya işləri aparılıb

Koronavirus (Covid-19) və digər yoluxucu xəstəliklərə qarşı profilaktik tədbirlərin görülməsi məqsədilə Əmlak Məsələləri Dövlət Komitəsi vətəndaşların daha çox müraciət etdiyi Əmlak Xidmətləri Məkanında dezinfeksiya işləri aparıb.

Əmlak Məsələləri Dövlət Komitəsindən «Fakt-Araşdırma»-ya verilən məlumata görə, bununla yanaşı, vətəndaşların ünvanlarında xidmət göstərən səyyar avtobuslar da dezinfeksiya olunub.

Qeyd edək ki, “Əmlakını qeydiyyata al və mülkiyyətinə sahib ol” kampaniyası çərçivəsində hər həftə müxtəlif ünvanlarda vətəndaşlara xidmət edən mobil ofislər də əraziyə çıxmamışdan öncə dezinfeksiya ediilir.