BƏƏ-də kök hüceyrə müalicəsi yolu ilə COVID-19 virusundan tam sağalma qeydə alınmışdır

Tarix : 2020/05/13 12:12     Kateqoriya : SƏHİYYƏ    


	BƏƏ-də kök hüceyrə müalicəsi yolu ilə COVID-19 virusundan tam sağalma qeydə alınmışdır

Kök hüceyrə müalicəsi yolu ilə COVID-19-dan sağalmış ilk BƏƏ xəstəsi tam sağlama istiqamətindəki yolundan bəhs etmişdir.

Birləşmiş Ərəb Əmirliklərinin Bakıdakı səfirliyindən «Fakt-Araşdırma»-ya verilən məlumata görə, yeni kök hüceyrə müalicəsinin tətbiq edildiyi 73 pasiyent arasında ilk sağalan xəstə reanimasiyada 40 gündən sonra tam sağalmışdır.

BƏƏ COVID-19-a qarşı mübarizəni necə aparır:

§ Əbu-Dabinin vəliəhd şahzadəsi və BƏƏ Silahlı Qüvvələrinin Ali Baş Komandanının müavini Zati-aliləri Şeyx Məhəmməd bin Zayed Al Nahyan, qabaqcıl kök hüceyrə

vasitəsi ilə müalicə edilən kritik koronavirus xəstələrinin bütün xərclərin ödənilməsiniə dair göstəriş vermişdir.

§ BƏƏ-də elektron təhsil, COVID-19 böhranı davam edərsə, növbəti tədris ilində də davam edəcəkdir. Təhsil Nazirliyi tərəfindən hazırlanan üç istiqamət şagirdlərin təhlükəsizliyini təmin etmək üçün ənənəvi və distant təhsili özündə birləşdirir.

§ Birləşmiş Millətlər Təşkilatına göndərdiyi məktubda BƏƏ, bütün vətəndaşların və qonaqların, xüsusən də sosial, iqtisadi, humanitar və insan hüquqlarını qorumaqla, COVID-19 pandemiyasının təsirlərini azaltmaq öhdəliyini vurğulamışdı.

§ BƏƏ-də istirahət üçün lüks qalma yerlərinin sayı artmaqdadır, tələbat o qədər yüksəkdir ki, Dubay lüks qalma yerləri keçən ilə nisbətən daha gəlirli ola bilər.

§ Abu Dabi ölkədə sınaqların genişləndirilməsi və cəmiyyətin rifahının təmin edilməsi səyləri çərçivəsində mobil koronavirus müayinə mərkəzi istifadəyə verildi.

§ Emirates və Etihad Airways BƏƏ rezidentləri üçün ölkəyə uçuşlar həyata keçirməyə başlayıblar. Uçuşlar London, Brüssel, Sürix, Sinqapur və Manila şəhərlərəinə xidmət edəcəkdir. Yük daşıma qabiliyyəti, həmçinin Abu Dabi Hava limanlarında həftəlik uçuş imkanı 1800 -ə qədər artırılmışdır.

§ Jebel Ali’də 3D çap firması olan Proto21, son həftələrdə laboratoriyalarını zəruri fərdi qoruyucu vasitələr istehsal etmək üçün mərkəzilərə çevirmişdi. Komanda artıq Dubay Polis işçiləri üçün 1000-dən çox təkrar istifadə edilə bilən 3D-çap üz örtüklərini təhvil vermişdi.

Birləşmiş Ərəb Əmirlikləri yeni koronavirus infeksiyasına 783 yoluxma faktı qeydə almış və ölkədə infeksiyanın ümumi sayının 19661-ə çatdığını və ümumilikdə mayın 12-nə 6012 nəfərin virusdan sağaldığını bildirmişdir. Ölüm sayı isə 203-ə çatmışdır.