BƏƏ-Azərbaycan dostluğu çiçəklənir: Respublika Günün Mübarək, əziz Azərbaycan!

Tarix : 2020/05/29 17:06     Kateqoriya : SİYASƏT    


	BƏƏ-Azərbaycan dostluğu çiçəklənir: Respublika Günün Mübarək, əziz Azərbaycan!

Birləşmiş Ərəb Əmirliklərinin Azərbaycan Respublikasının müstəqilliyini tanıyan ilk ölkələrdən biri olduğunu yada salmaq hər zaman qürurvericidir. Ölkələrimiz aasında ortaq cəhətlər çoxdur: ölkə ərazisinin ölçüsü (hər iki ölkənin ərazisi 80 min kv km-dən çox), əhalinin sayı (hər ikisi 10 milyona yaxın) təxminən eynidir. Ölkələrimizin coğrafi mövqeyi də bizi bir-birimizə daha da yaxınlaşdırır.

Beynəlxalq əlaqələrin hazırkı mərhələsində ticarət və siyasi maraqlar daha üstün tutulsa da, BƏƏ və Azərbaycanın ikitərəfli əlaqələri bu maraqlardan qat-qat qiymətlidir. Hər şeydən əvvəl bu münasibətlər qarşılıqlı qardaşlıq niyyəti, xalqlarımıza ən yaxşı arzularla, güclü mənəvi dəyərlər üzərində qurulur.

Azərbaycan hər il 28 may tarixində Respublika Gününü qeyd edir və BƏƏ rəhbərliyi öz səmimi arzu və təvriklərini zati-aliləri cənab prezident İlham Əliyevə çatdırır. Hər iki ölkənin gəncləri hər zaman xalqlarımızın dövlətlərimizi qurmaq üçün verdikləri dəyərləri xatırlamalıdırlar. Ölkələrimizin bir-birinə verdiyi dəstəyi gələcək nəsillər də bir-birinə ötürməlidirlər.

Xüsusi vurğulamaq istərdim ki, BƏƏ regionda öz tərəfdaşı Azərbaycan kimi böyük bir respublikanın mövcudluğunu yüksək qiymətləndirir. İkitərəfli münasibətlərimizi getdikcə daha da inkişaf etdirmək, millətimizə daha çox fayda gətirmək üçün axtarışlarımız davamlıdır. Dövlət başçılarımızın və hökumət nümayəndələrinin qarşılıqlı yüksək səviyyəli səyləri və təşəbbüsləri nəticəsində bu münasibətlər ilbəil inkişaf edir. Bunu xüsusilə turizm sektorunda müşahidə edə bilərik. Ümid edirəm ki, pandemiyadan sonrakı dövrdə bu göstəricilər daha yüksək olacaqdır. Səfir olaraq həmişə BƏƏ-Azərbaycan ikitərəfli münasibətlərinin bütün sahələrdə inkişafı üçün Azərbaycan tərəfi ilə birgə işləməyə hazıram.

Fürsətdən istifadə edərək, zati-aliləri cənab prezident İlham Əliyevə, Azərbaycan Parlamentinə, Hökumətinə, Respublika Günü münasibətilə bütün Azərbaycan xalqına əmin-amanlıq və trəqqi, bütün dünyanı bürüyən bir pandemiya şəraitində təhlükəsizlik və cansağlığı diləyirəm. Ümid edirəm ki, hazırkı böhran tezliklə qurtaracaq və qardaş xalqlarımız bir-birlərini ziyarət etməyə davam edəcəklər.

Cənab Mohamed Alqubaisi

Birləşmiş Ərəb Əmirliklərinin Bakıdakı Səfiri