Energetika Nazirliyi bu ilin 5 ayında respublika üzrə elektrik enerjisinə dair operativ məlumatları açıqlayıb

Tarix : 2020/06/10 12:51     Kateqoriya : İQTİSADİYYAT    


	Energetika Nazirliyi bu ilin 5 ayında respublika üzrə elektrik enerjisinə dair operativ məlumatları açıqlayıb

2020-ci ilin may ayında respublika üzrə elektrik enerjisinin istehsalı 1 899,6 mln. kVt·st, ixracı 21,7 mln. kVt·st, idxalı 17,5 mln. kVt·st olub.

Energetika Nazirliyindən «Fakt-Araşdırma»-ya verilən məlumata görə, 2019-cu ilin müvafiq dövrü ilə müqayisədə may ayında respublika üzrə elektrik enerjisinin istehsalı 17,5 mln. kVt·st azalıb, ixracı 2,7 mln. kVt·st, idxal isə 8,6 mln. kVt·st artıb.

Cari ilin yanvar-may aylarında isə respublikada elektrik enerjisinin istehsalı ötən ilin müvafiq dövrü ilə müqayisədə 51,1 mln. kVt·st artaraq 10 796,5 mln. kVt·st olub.

Hesabat dövründə ötən ilin 5 ayına nisbətən elektrik enerjisinin istehsalı İES-lərdə 200,8 mln. kVt·st artaraq 10 095,6 mln. kVt·st, SES-lərdə 150,5 mln. kVt·st azalaraq 549,0 mln. kVt·st, digər mənbələr (KES, GES və BMTYZ) üzrə isə 0,7 mln. kVt·st artaraq 151,9 mln. kVt·st olub. Külək Elektrik Stansiyalarında 45,1 mln. kVt·st, Günəş Elektrik Stansiyalarında 18,1 mln. kVt·st, Bərk Məişət Tullantılarının Yandırılması Zavodunda 88,7 mln. kVt·st elektrik enerjisi istehsal edilib.

2020-ci ilin 5 ayında elektrik enerjisinin istehsalı “Azərenerji” ASC üzrə 9 650,6 mln. kVts (İES-lərdə 9 186,2 mln. kVt·st, SES-lərdə 464,4 mln. kVt·st), Naxçıvan MR Dövlət Energetika Xidməti üzrə 155,8 mln. kVt·st (İES-lərdə 65,2 mln. kVt·st, SES-lərdə 75,1 mln. kVt·st, Günəş ES-də 15,5 mln. kVt·st), Müstəqil Elektrik Stansiyaları üzrə 990,1 mln. kVt·st təşkil edib.

Bu dövr ərzində elektrik enerjisinin ixracı 522,3 mln. kVt·st olmaqla, 2019-cu ilin müvafiq dövrü ilə müqayisədə 113,7 mln. kVt·st azalıb. Elektrik enerjisinin idxalı isə 62,2 mln. kVt·st təşkil etməklə, ötən ilin müvafiq dövrünə nisbətən 1,1 mln. kVt·st artıb.