Gömrük Akademiyasının magistratura səviyyəsi üzrə qəbul planı 100 faiz dolub

Tarix : 2021/07/12 11:30     Kateqoriya : TƏHSİL    


	Gömrük Akademiyasının magistratura səviyyəsi üzrə qəbul planı 100 faiz dolub

Dövlət İmtahan Mərkəzinin 2021/2022-ci tədris ili üçün ali təhsil müəssisələrinin və AMEA-nın magistraturalarına qəbul olmaq üçün keçirdiyi müsabiqənin nəticələrinə əsasən, Dövlət Gömrük Komitəsinin Akademiyası üzrə yüksək göstərici qeydə alınıb.

Dövlət Gömrük Komitəsinin Akademiyasının İctimaiyyətlə əlaqələr şöbəsindən Faktat.az”-a verilən məlumata görə, Gömrük Akademiyasının magistratura səviyyəsi üzrə qəbul planı 100 faiz dolub.

Bu il Akademiyada magistratura səviyyəsinə qəbul üçün Dünya iqtisadiyyatı istiqaməti üzrə “Gömrük işi” və Hüquqşünaslıq istiqaməti üzrə “Beynəlxalq iqtisadi hüquq” ixtisaslaşmaları üzrə qəbul həyata keçirilib.

Qeyd edək ki, builki qəbulda “Gömrük işi” ixtisaslaşması üzrə ən yüksək keçid balı Gömrük Akademiyasına məxsusdur.