Avtobus qəzasında 16 fələstinli həlak olub

Tarix : 2016/03/17 21:12     Kateqoriya : DÜNYA    


	Avtobus qəzasında 16 fələstinli həlak olub

İordaniyada avtobusun aşması nəticəsində azı 16 fələstinli həlak olub, 30-dan çoxu xəsarət alıb. Avtobusdakı fələstinli zəvvarlar İslamın müqəddəs yerlərini ziyarətdən qayıdırmışlar.
 
RİA Novosti informasiya agentliyi xəbər verir ki, qəza ölkənin cənubunda, Səudiyyə Ərəbistanı ilə sərhədin yaxınlığında baş verib. İordaniya mülki müdafiə xidmətindən verilən məlumata görə, zəvvarları daşıyan avtobus yük maşını ilə toqquşduqdan sonra aşıb.
 
Fələstin dövlətinin prezidenti Mahmud Abbas xəsarət almış zəvvarların müalicəsinin və onların vətənə qayıtmasının təşkili üçün hökumət komissiyasının yaradılmasına dair göstəriş verib.